ერთ-ერთი მთავარი თემა, რის გამოც პრეზიდენტი საკონსტიტუციო ცვლილებებს აკრიტიკებს, საარჩევნო საკითხს უკავშირდება.

პროექტის საბოლოო ვერსიაში ჩაიწერება, რომ მაჟორიტარული სისტემა 2024 წლის არჩევნებზე გაუქმდება. ამ ვარიანტზე მმართველი პარტია გუნდში არსებული წინააღმდეგობის და ხანგრძლივი პოლიტიკური კონსულტაციების შემდეგ შეთანხმდა.

თარიღის გადავადების სანაცვლოდ, საპარლამენტო უმრავლესობა თანახმაა, საარჩევნო ბარიერი 5-დან 3%-მდე დაწიოს. პროექტში შესული ცვლილებები კატეგირიულად მიუღებელია ოპოზიციისთვის, რომელიც მმართველ გუნდს ვენეციის კომისიის დასკვნას ახსენებს და პროპორციულ სისტემაზე გადასვლას მომავალ არჩევნებზე ითხოვს.