ორი ადამიანი ემსხვერპლა მალიში, ერთ-ერთ ყველაზე ცნობილ, კანგაბას კურორტზე შეიარაღებულ თავდასხმას. დაღუპულთაგან ერთი საფრანგეთის, მეორე კი გაბონის მოქალაქეა.
უსაფრთხოების სამინისტროს ინფორმაციით, ადგილზე მობილიზებულმა სპეცდანიშნულების რაზმებმა ისლამისტების მიერ მძევლად აყვანილი 20 ადამიანი გაათავისუფლეს.
ადგილობრივი მაცხოვრებლების განცხადებით, ისლამისტების თავდასხმის დროს მათ, სროლის ხმასთან ერთად, „ლე კამპემან კანგაბას“ კომპლექსის ტერიტორიაზე კვამლის სვეტებიც შენიშნეს.
2015 წლის ნოემბერში მალის დედაქალაქ ბამაკოში მდებარე სასტუმრო „რედისონ ბლუში“ განხორციელებულ შეიარაღებულ თავდასხმას 20 ადამიანის სიცოცხლე ემსხვერპლა. ინციდენტის შემდეგ, ქვეყანაში საგანგებო მდგომარეობა იქნა შემოღებული, რომელიც ამ დრომდე მოქმედებს.
წყარო: BBC