ფეხბურთში კონფედერაციათა თასის საიუბილეო მეათე გათამაშება დაიწყო. შეხვედრებს რუსეთი მასპინძლობს.

ტურნირი სანკტ-პეტერბურგის კრესტოვსკის სტადიონზე მასპინძელი რუსეთისა და ახალი ზელანდიის მატჩით დაიწყო - ანგარიში 31-ე წუთზე, ზელანდიელი ბოქსალის ავტოგოლით გაიხსნა. შეხვედრა რუსეთის გამარჯვებით - 2:0 დასრულდა.

ამავე ჯგუფში, პორტუგალია და მექსიკა ერთმანეთს დღეს, ყაზან არენაზე 19 საათზე დაუპირისპირდებიან. დღესვე, მოსკოვში, კამერუნი ჩილეს შეხვდება. თამაში 21 საათზე დაიწყება.

საზოგადოებრივი მაუწყებელი ორივე შეხვედრის პირდაპირ რეპორტაჟს შემოგთავაზებთ.