ვენეციის კომისიის რეკომენდაციების გამოქვეყნებამდე 2 დღით ადრე, კონსტიტუციაში შესატანი სადავო ცვლილებების შესახებ, კომისიის პრეზიდენტი „მოამბესთან“ ექსკლუზიურ ინტერვიუში საუბრობს.
გადაუნაწილებელი მანდატები, პრეზიდენტის არჩევის წესი, ჩანაწერი ქორწინების შესახებ და რეფენედუმი გადასახადებზე, - საკონსტიტუციო ცვლილებების სადავო საკითხებზე ვენეციის კომისიის პოზიცია ცნობილია.
საერთაშორისო ექპერტები ქართულ პოლიტიკურ სპექტრს კონსენსუსის აუცილებლობაზე კიდევ ერთხელ მიუთითებენ.
რაც შეეხება 94-ე მუხლს, კომისიაში მიიჩნევენ, რომ ამ საკითხზე რეფერენდუმი შესაძლებელია ინიცირებული იყოს მხოლოდ მთავრობის მიერ,და პარლამენტი ხდება სრულიად გამოთიშული ახალი საერთო გადასახადების შემოღების პროცესისგან.
ვენეციის კომისია მიიჩნევს, რომ უმჯობესია გადასახადების შემოღების თაობაზე გადაწყვეტილება პირველ რიგში პარლამენტს ეკუთვნოდეს.