კანცელარიასთან სამშენებლო კომპანია „ოლიმპიური ვარსკვლავის“ დაზარალებულები აქციას მართავენ. აქციის მონაწილეები კომპანიას მათი ქონების მითვისებაში სდებენ ბრალს.
მათი მოთხოვნაა, კომპანიამ აანაზღაუროს ზარალი. ასევე, მოხდეს საქმის დროული შესწავლა და სასამართლოს მიერ განაჩენის გამოტანა.
როგორც აქციის მონაწილეები აცხადებენ, თუ მათი მოთხოვნები არ დაკმაყოფილდება, საპროტესტო აქციებს გააგრძელებენ და ამას უფრო მასშტაბური სახე მიეცემა.
პრეტენზიებს თავად სამშენებლო კომპანიაში უპასუხეს. ოლიმპიური ვარსკვლავის წარმომადგენლის განცხადებით, საბურთალოს ქუჩაზე მდებარე ობიექტის მშენებლობა გრძელდება და მომხმარებელთა უმეტესობა მენეჯმენტთან თანამშრომლობს. თუმცა, როდის დაკმაყოფილდებიან ფართებით მოქალაქეები, რომლებიც მშენებლობის დასრულებას წლებია მოითხოვენ, კომპანიის წარმომადგენელი ვერ აკონკრეტებს.