მწვავე პოლიტიკურ ურთიერთბრალდებებში გადაიზარდა მმართველი გუნდის ინიციატივის განხილვა პარლამენტში.

ოპოზიციის ნაწილი არ ეთანხმება გადაწყვეტილებას, რომლითაც ახალი კონსტიტუციის დამტკიცებამდე უცხოელებისთვის მიწების მიყიდვაზე დროებითი მორატორიუმი უნდა დაწესდეს.

მოწინააღმდეგეები მოსალოდნელ ეკონომიკურ ზარალზე საუბრობენ და ხელისუფლებას საკონსტიტუციო სასამართლოს გადაწყვეტილებას ახსენებენ. მორატორიუმის საკითხი მას შემდეგ დადგა დღის წესრიგში, რაც ცნობილი გახდა, რომ მმართველი გუნდი სასოფლო-სამეურნეო მიწების უცხოელებზე გასხვისების აკრძალვას საკონსტიტუციო დონეზე გეგმავს.