თვითმმართველობის კანონში მოსალოდნელი ცვლილებებით უცვლელად რჩება წესი, რომლის მიხედვით, ყველა ქალაქს პირდაპირი წესით არჩეული მერი ეყოლება. ასე იქნება თბილისის შემთხვევაშიც, რომელიც ოქტომბერში ქალაქის პირველ პირს უკვე მესამედ აირჩევს.

მმართველი გუნდის და რამდენიმე ოპოზიციური პარტიის კანდიდატები უკვე ცნობილია. მათი უმრავლესობა მოქმედი პოლიტიკოსია. ამიტომ მოახლოებული არჩევნების წინ კიდევ ერთხელ აქტიურდება კითხვა: ვინ უნდა მართოს დედაქალაქი: პოლიტიკოსმა თუ მენეჯერმა და არის თუ არა პარტიულობა ხელისშემშლელი ფაქტორი.

ეს კითხვა ქეთი ქაშაკაშვილმა ყოფილ მერებს დაუსვა.