ლონდონში მომხდარი ძლიერი ხანძრის შედეგად, ექვსი ადამიანი დაიღუპა, - ამის შესახებ ინფორმაციას ქალაქის პოლიციაში ადასტურებენ.

სამაშველო სამსახურის ინფორმაციით, მსხვერპლი შესაძლოა გაიზარდოს.

ადგილზე სახანძრო-სამაშველო ბრიგადა და სასწრაფო დახმარების მანქანებია მობილიზებული.

როგორც ბრიტანული მედია წერს, რომ ხანძარმა მრავალსართულიანი საცხოვრებელი კორპუსი იმდენად დააზიანა, რომ ჩამონგრევის საფრთხე ყოველ წუთს იზრდება.

რაც შეეხება დაშავებულებს, ბოლო ინფორმაციით, საავადმყოფოებში მოთავსებული ადამიანების რიცხვმა 50-ს გადააჭარბა.

საავადმყოფოში მოთავსებული მოქალაქეების უმრავლესობას კვამლით ინტოქსიკაციის ნიშნები აღენიშნება. რამდენიმე მათგანს სასუნთქი გზები დაუზიანდა.

ბრიტანული მედიის ინფორმაციით, ხანძარმა შენობა იმდენად დააზიანა, რომ კორპუსი შეიძლება ჩამოინგრეს. მოსახლეობა ევაკუირებულია.

თვითმხილველები ხაძრის საზარელ ფაქტებს იხსენებენ:

„ყველგან კვამლი იდგა. საშინელი შეგრძნება იყო. ხალხი კიბეებზე ჩამორბოდა, ყვიოდნენ. თავი ღამის კოშმარში მეგონა. ცეცხლი მთელი შენობის ზედა სართულებს რამდენიმე წუთში მოედო. შენობაში მძინარე ბავშვებიც იყვნენ. ხალხი შველას ითხოვდა, მაგრამ სახანძრო ბრიგადას უჭირდა მათი გამოყვანა შენობიდან, რადგან მისადგომად ძალიან ცუდი მდებარეობა აქვს ამ კორპუსს“, - ამბობს დევიდ ბენჯამინი.

ხანძრის შედეგად უსახლკაროდ დარჩენილ მოქალაქეებს რელიგიურმა ცენტრებმა თავშესაფარი შესთავაზეს. „გრინფელ ტაუერში“ მცხოვრები ასობით ადამიანის დასახმარებლად სოციალურ ქსელში კამპანია დაიწყო ჰაშთეგით #GrenfellTower.

ლონდონის მერმა სადიქ ხანმა ლონდონის სახანძრო-სამაშველო ბრიგადას მადლობა გადაუხადა. მან განაცხადა, რომ მეხანძრეებმა, ფაქტობრივად, შეუძლებელი შეძლეს.

„სახანძრო-სამაშველო ბრიგადა გამოძახებიდან 6 წუთში ხანძრის ადგილას იყო. ლონდონს ჰყავს მსოფლიოში საუკეთესო მეხანძრეები, რომლებმაც ხალხის დასახმარებლად ძალ-ღონე არ დაიშურეს“, - განაცხადა დედაქალაქის მერმა.

მან ასევე აღნიშნა, რომ ხანძრის გამომწვევ მიზეზებთან დაკავშირებით არაერთი შეკითხვა არსებობს და ამ შეკითხვებს პასუხი უნდა გაეცეს.

ლონდონის სახანძრო-სამაშველო სამსახურში აცხადებენ, რომ ხანძრის გამომწვევი მიზეზი უცნობია,