ყაზახეთის პრეზიდენტმა დღეს ქართველი კოლეგა მიიღო. ნურსულთან ნაზარბაევის თქმით, საქართველო ჩინეთისთვის და ცენტრალური აზიის სახელმწიფოებისთვის მნიშვნელოვანი სატრანზიტო დერეფანია.

სწორედ ახალი აბრეშუმის გზის განვითარება იყო ორი ქვეყნის ლიდერების შეხვედრის ერთ-ერთი თემა.

ოფიციალური ვიზიტის ფარგლებში გიორგი მარგველაშვილი ყაზახეთის პრემიერმინისტრს, ასევე სენატისა და მაჟელისის ხელმძღვანელებს შეხვდა.

პარალელურად ასტანაში მიმდინარე გამოფენა „ექსპო-2017-ზე“ საქართველოს ეროვნული დღე აღნიშნეს. „ექსპო 2017-ში“ 115 ქვეყანა და 22 საერთაშორისო ორგანიზაცია მონაწილეობს. საქართველოს პავილიონი ენერგეტიკას ეძღვნება.