რუსული ენერგოკომპანია საქართველოს წინააღმდეგ საერთაშორისო საარბიტრაჟო დავას იწყებს. ინტერ-რაო ქართული მხარისგან 125 მილიონი დოლარის გადახდას და ელექტროენერგიის ტარიფის გაზრდას ითხოვს.

კომპანიის მტკიცებით, სწორედ ამ რაოდენობის თანხით იზარალა ინტერ-რაოს საკუთრებაში არსებულმა კომპანია თელასმა ლარის კურსის ვარდნის გამო.

სარჩელი უკვე სტოკჰოლმის საარბიტრაჟო სასამართლოშია. პრეტენზიები გაუგებარია ენერგეტიკის სამინისტროსთვის. დენზე დაწესებულ ტარიფს სამართლიანად მიიჩნევს სემეკიც, რომელიც მოდავე მხარეს ტარიფის გამომთვლელი ერთიანი მეთოდოლოგიის წესებს ახსენებს.