კოსოვოში ვადამდელი საპარლამენტო არჩევნები მიმდინარეობს. ამის აუცილებლობა არაღიარებულ რესპუბლიკაში პრემიერ-მინისტრ ისი მუსტაფასთვის, პარლამენტის მიერ უნდობლობის გამოცხადება გახდა, რის შემდეგაც ქვეყნის მეთაურმა, ჰაშიმ თაჩიმ პარლამენტი დაითხოვა და არჩევნები 11 ივნისს დანიშნა.

euronews-ის ინორმაციით, არჩევნებში საკუთარი ხმის დაფიქსირების შესაძლებლობა 1.5 მილიონ ადამიანს აქვს. წინასწარი გამოკითხვის მიხედვით, კონკურენტებს შორის ექსპრემიერ რამუშ ხარადინაის კოალიცია ლიდერობს, თუმცა ოფიციალური ბელგრადი მას სამხედრო დანაშაულის ჩადენაში სდებს ბრალს და მის დაპატიმრებას მოითხოვს.

მეორე ადგილს ავდულა ხოთის კოალიცია იკავებს. ახალ ხელისუფლებას სხვა მნიშვნელოვან საკითხებთან ერთად კოსოვოში არსებული უმუშევრობის პრობლემის მოგვარება მოუწევს, რომელიც დღეისათვის 30 პროცენტს აღწევს. ასევე ევროკავშირში გაწევრიანებისთვის, აუცილებელი იქნება სერბეთთან ურთიერთობების დარეგულირებაც.

მთავრობის მეთაურს უნდობლობა 10 მაისს, 120 წევრიანი პარლამენტიდან 78-მა დეპუტატმა გამოუცხადა, 34 დეპუტატი გადაწყვეტილების წინააღმდეგი იყო, ხოლო 3-მა თავი შეიკავა. 5 წევრი კი კენჭისყრას არ ესწრებოდა.