ატვირთვა
ავტორიზაცია რეგისტრაცია
6 438 835
ნახვა
325
ხელმომწერი
27 785
ვიდეო

ოკუპირებულ ახალგორში აგვისტოს ომის შემდეგ მიტოვებული სახლები შესაძლოა, ჩამორთმევას დაექვემდებაროს

გაზიარება შექმენი ლუპი
ივნისი 12, 2017
253
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ოკუპირებული რეგიონის დეფაქტო პრეზიდენტის, ანატოლი ბიბილოვის დავალებით, ახალგორში სპეციალური კომისია იქმნება, რომელიც იმ კომუნალური სახლების იდენტიფიცირებას მოახდენს, სადაც მფლობელები 5წელზე მეტია არ ცხოვრობენ და მიტოვებულია.

საუბარია იმ სახლებზე, რომლებიც საბჭოთა პერიოდში, სახელმწიფოს მიერ აშენებულ კორპუსებში განთავსებული.

„გაუგზავნეთ ასეთი საკუთრების მფლობელებს შეტყობინება. ყველას, არა აქვს მნიშვნელობა სად ცხოვრობენ ახლა თბილისში, გორში, ცხინვალში თუ ვლადიკავკაზში. თუ ამ შეტყობინებაზე პასუხი არ მიიღეთ, სასამართლოს გზით მიიღეთ გადაწყვეტილებები. სარჩელს დაწერს ახალგორის ადმინისტრაცია. ეს სახლები უნდა დაუბრუნეს სახელმწიფოს და შემდეგ დაურიგეთ იმ ადამიანებს, ვისაც საცხოვრებლის პრობლემა აქვს. ჩვენ ვერ დაველოდებით აქედან წასულ ადამიანებს წლობით, როდის დაგიბრუნდებიან. მარტივად გადასაწყვეტი საკითხია - საკმაოდ მკაცრი, მაგრამ სამართლიანი", - განმარტა ბიბილოვმა.

საკითხი მწვავედ მას შემდეგ დაისვა, რაც ოკუპირებული ახალგორის რაიონის დეფაქტო ადმინისტრაციამ რეგიონში მოწვეული ე.წ. სპეციალისტებისთვის საცხოვრებელი ფართები მოითხოვა.

კიდევ ერთი დავალება, რაც დეფაქტო ლიდერმა ოკუპირებული ახალგორის ე.წ. ადმინისტრაციის წარმომადგენლებს მისცა - მოსახლეობის სავალდებულო ე.წ. პასპორტიზაციაა.

ანატოლი ბიბილოვის განმარტებით, ადამიანები, რომლებიც რეგიონში მუდმივად ცხოვრობენ, ვალდებულნი არიან ასეთი სახის ე.წ. დოკუმენტი იქონიონ.

შეგახსენებთ, რომ ოკუპირებული ცხინვალის რეგიონის ე.წ. პასპორტის აღება შეუძლია ყველა იმ მსურველს, ვინც საქართველოს მოქალაქეობაზე უარს განაცხადებს და წერილობით განაცხადს ამის შესახებ რეგიონის ე.წ. „კაგებეში“ წარადგენს.

მაჩვენე მეტი