ორმხრივი ურთიერთობის საკითხები განიხილა საქართველოს პირველმა ვიცე-პრემიერმა, დიმიტრი ქუმსიშვილმა სომხეთის პრემიერ-მინისტრთან შეხვედრაზე, რომელიც სომხეთის ქალაქ დილიჟანში სავალუტო ფონდისა და მსოფლიო ბანკის ჯგუფის ქვეყნების შეხვედრის ფარგლებში გაიმართა.

მხარეებმა ისაუბრეს ორ მეზობელ ქვეყანას შორის თანამშრომლობის სხვადასხვა ასპექტზე, მათ შორის, სავაჭრო-ეკონომიკური და ტურისტული კავშირების განვითარებაზე, თანამშრომლობაზე ტრანზიტის და ტრანსპორტის სფეროში, აგრეთვე ქვეყნებს შორის ბიზნესკავშირების გაღრმავებაზე. შეხვედრას ასევე დაესწრნენ ინფრასტრუქტურის მინისტრი და საქართველოს ელჩი სომხეთის რესპუბლიკაში.