ყატარის მთავრობა თვლის, რომ ქვეყანას საკმარისი ფინანსური რესურსი აქვს, რომ სპარსეთის ყურის ქვეყნებთან არსებულ იზოლაციას გაუმკლავდეს ისე, რომ არც ყატარის ვალუტა გაუფასურდეს და არც მისი ეკონომიკა დაზარალდეს. ამის შესახებ ქვეყნის ფინანსთა მინისტრმა ტელეკომპანია "სი-ენ-ბი-სი"-სთვის მიცემულ ინტერვიუში განაცხადა.
როგორც ცნობილია, გასული კვირის დასაწყისში, რამდენიმე არაბულმა სახელმწიფომ, ყატართან ტერორიზმის დაფინანსების მოტივით; დიპლომატიური, სატრანსპორტო და ეკონომიკური კავშირები შეაჩერა - შედეგადაც ყატარის ბირჟამ სერიოზული ვარდნა განიცადა, ქვეყანას რეიტინგი შეუმცირდა, ხოლო მოსახლეობამ სურსათის მომარაგება დაიწყო.
მინისტრის განცხადებით, ყატარის სავალუტო რეზერვები და საინვესტიციო ფონდები მთლიანი შიდა პროდუქტის 250 პროცენტს წარმოადგენს და, შესაბამისად, ქვეყნის მოსახლეობას შეშფოთების არავითარი საფუძველი არ აქვს.