რაგბიში 20-წლამდე მსოფლიოს ჩემპიონატის პლეიოფის მატჩები ხვალ ავჭალის და მიხეილ მესხის სახელობის სტადიონზე ჩატარდება. საქართველოს ნაკრები ტურნირის მე-9 ადგილისათვის ბრძოლას აგრძელებს, სადაც არგენტინის ნაკრებს დაუპირისპირდება. ამ პოზიციისთვის კი მეორე ნახევარფინალური შეხვედრა ირლანდიასა და სამოას შორის ჩატარდება. საქართველოსა და არგენტინის დაპირიპისრება ხვალ მიხეილ მესხის სახელობის სტადიონზე 15:30 საათზე გაიმართება.

ფინალში გასასვლელად ინგლისი სამხრეთ აფრიკას დაუპირისპირდება, მეორე ნახევარფინალური წყვილი საფრანგეთსა და ახალ ზელანდიას შორის გაიმართება.

მეხუთე ადგილისთვის მატჩი იტალიასა და ავსტრალიას შორის შედგება. აღნიშნულ წყვილში გამარჯვებული გუნდი კი შოტლანდია უელსს შორის გამარჯვებულ გუნდს დაუპირისპირდება.

მსოფლიო ჩემპიონატის პლეიოფის ყველა მატჩის პირდაპირ ტრანსლაციას საზოგადოებრივი მაუწყებლის პირველი და მეორე არხი შემოგთავაზებთ.