მუსიკალური ჯგუფის „ბირჟა მაფიას“ წევრები გლდანის ციხის დროებითი მოთავსების იზოლატორში იმყოფებიან. ისინი წინასწარ პატიმრობაში რჩებიან.

საქალაქო სასამართლოს გადაწყვეტილება სააპელაციოში უკვე გაასაჩივრეს მიხეილ მგალობლიშვილის ადვოკატებმა. იმავეს გეგმავენ გიორგი ქებურიას უფლებადამცველები.

ადვოკატები საქმეში მტკიცებულებების არარსებობაზე საუბრობენ. ჯგუფის წევრების დაკავებას სახალხო დამცველის აპარატი სწავლობს.

ცოტა ხნის წინ განცხადება გაავრცელა პროკურატურამაც.

რა არგუმენტები აქვს დაცვის მხარეს და როგორია ობმუდსმენის პოზიცია - ხათუნა გაგნიძე დეტალებით.