ქართველი დეპუტატები აზერბაიჯანელი კოლეგისგან განმარტებებს ითხოვენ. აზერბაიჯანული ჟურნალისტის საქმეზე დეპუტატი ელმან ნასიროვი რეზონანსულ განცხადებას აკეთებს.

პოლიტიკოსი აფგან მუხთარლის დაკავებას საქართველოს და აზერბაიჯანის სპეცსამსახურების ერთობლივ მუშაობას უკავშირებს. რადიო ,,თავისუფლებისთვის” მიცემულ ინტერვიუში პოლიტიკოსი საქართველოდან გაუჩინარებულ და ბაქოში დაკავებულ ჟურნალისტს დამნაშავედ მოიხსენიებს, მის დაპატიმრებას კი წარმატებულ ოპერაციად აფასებს.

დეპუტატის კომენტარი წინააღმდეგობაშია ოფიციალური თბილისის ვერსიასთან, რომლის მიხედვით, მუხთარლის საქმესთან ქართველ სამართალდამცავებს არანაირი კავშირი არ აქვთ.