ტერორისტული ორგანიზაცია „ისლამური სახელმწიფო“ ჩინეთის 2 მოქალაქის სიკვდილით დასჯის შესახებ ინფორმაციას ავრცელებს.

ჩინეთის საგარეო საქმეთა უწყება, ამ ეტაპზე, ინფორმაციის შესწავლის პროცესშია. გავრცელებული ცნობით, ჩინეთის მოქალაქეები პაკისტანის ქალაქ ქვეტადან გაიტაცეს, სადაც ახალგაზრდები ენის შესწავლის მიზნით იმყოფებოდნენ. წყვილთან ერთად, კიდევ ერთი ჩინელი მოქალაქე იყო, თუმცა მან გაქცევა შეძლო.

4 ივნისს პაკისტანის სპეცდანიშნულების რაზმმა გატაცებულთა მოსაძებნად 3-დღიანი ოპერაცია დაიწყო, თუმცა მათი მცდელობა წარუმატებელი აღმოჩნდა.