ოთარ ფარცხალაძის კომპანიასთან დაკავშირებული მიწების საქმის გამოძიებაში სისხლის სამართლის საერთაშორისო ექსპერტებიც ერთვებიან. გადაწყვეტილება მთავარმა პროკურატურამ მიიღო.
ცნობილი ექსპერტები დასკვნას მოამზადებენ მიწების გაცვლის და გასხვისების იმ საქმეზე, რომლითაც შოთაძის უწყება აუდიტის სამსახურის მიერ გამოქვეყნებული დასკვნის და გენერალური აუდიტორის განცხადებების შემდეგ დაინტერესდა.
აუდიტის სამსახურის დასკვნის მიხედვით, ყოფილი მთავარი პროკურორის კუთვნილ კომპანიასა და მერიას შორის კორუფციული გარიგების ნიშნები იკვეთება.
ძიების პროცესში საერთაშორისო ექსპერტების ჩართვის მიუხედავად, ლაშა თორდია გამოძიებას მაინც უნდობლობას უცხადებს.
ოთარ ფარცხალაძის ადვოკატები კი ამბობენ, რომ ობიექტურად უნდა დადგინდეს, ცრუობს თუ არა გენერალური აუდიტორი კორუფციულ სქემებზე საუბრის დროს.