დიდ ბრიტანეთში საყოველთაო არჩევნები მიმდინარეობს. მოსახლეობა ქვეყნის პარლამენტს ირჩევს.

საკუთარი არჩევანი უკვე დააფიქსირა ქვეყნის პრემიერ-მინისტრმა და ოპოზიციური პარტიის ლიდერებმა. ეს არჩევნები დაგეგმილი არ იყო, ის ტერეზა მეიმ სამი წლით ადრე, პარლამენტში ე.წ. ბრექსითის თემაზე არსებული წინააღმდეგობის გამო დანიშნა.

დიდ ბრიტანეთში არჩევნები მაჟორიტარული სისტემით ტარდება. მოსახლეობა თითოეულ ოლქში იმ რეგიონის წარმომადგენელს ირჩევს, რომელიც თემთა პალატაში მოხვდება.

თემთა პალატაში უმრავლესობის მოსაპოვებლად 326 მანდატია აუცილებელი. იმ შემთხვევაში, თუ ვერცერთი პოლიტიკური პარტია აღნიშნული რაოდენობის მანდატის მოპოვებას ვერ შეძლებს, პარტიებს კოალიციის ჩამოყალიბების საშუალება ეძლევათ.

საარჩევნო უბნები ადგილობრივი დროით 22 საათზე დაიხურება. ხმების დათვლის პროცესი კი უახლოეს საათებში დაიწყება.

თემთა პალატის ახალი შემადგენლობის ფორმირება 13 ივნისს მოხდება. 19 ივნისს კი ახლადარჩეული თემთა პალატის პირველი სესია გაიმართება.