დევნილთა სათანადო საცხოვრებლით უზრუნველყოფა კვლავ რჩება გამოწვევად, - ამის შესახებ სახალხო დამცველმა კონფლიქტით დაზარალებული მოსახლეობის უფლებრივი მდგომარეობის შესახებ სპეციალური ანგარიშის წარდგენისას განაცხადა.
ნანუაშვილმა პრეზენტაციის გახსნაზე გამყოფი ხაზის სოფლებსა და ოკუპირებულ ტერიტორიებზე შექმნილი სოციალური მდგომარეობა და უსაფრთხოების საკითხები მიმოიხილა.
"ოკუპირებულ ტერიტორიებზე მინიმალური სტანდარტები არაა დაცული, წელს ათეულობით ადამიანის დაკავებას ჰქონდა ადგილი ადმინისტრაციულ საზღვარზე. დღემდე კვლავ რჩებიან, როგორც ცხინვალის, ასევე სოხუმის ციხეებში ქართველი პატიმრები. გასულ წელს ასევე დაფიქსირდა გარდაცვალების და გაუჩინარების შემთხვევები", - აღნიშნა ნანუაშვილმა.
ანგარიშის პრეზენტაცია, რომელსაც საქართველოს მთავრობის, საერთაშორისო და ადგილობრივი ორგანიზაციების წარმომადგენლები ესწრებიან ამ წუთებშიც მიმდინარეობს.