სასამართლო სისტემაში არსებულ ხარვეზებსა და პრობლემებზე არასამთავრობოები ადვოკატთა ასოციაციის, ბიზნესასოციაციების და პროფკავშირების წარმომადგენლებს ხვდებიან.
მესამე სექტორის შეფასებით, სასამართლო სისტემაში კვლავ კლანური მმართველობაა. შეხვედრაზე სასამართლო სისტემის შესახებ არასამთავრობოების მიერ მომზადებული ვიდეოკლიპის პრეზენტაცია გაიმართა.
მესამე სექტორის ნაწილი აცხადებს, რომ ხელისუფლებასა და მოსამართლეებს შორის საკონტაქტო შუამავალი რგოლი დეპუტატი, იურიდიულ საკითხთა კომიტეტის თავმჯდომარის მოადგილე ვანო ზარდიაშვილია.
არასამთავრობოების შეფასებით, სასამართლო სისტემაში კვლავ არსებობს გავლენიანი ჯგუფების მმართველობა და ასევე, გაუმჭვირვალედ მოსამართლეების დანიშვნა და დაწინაურება.
არასამთავრობოების ბრალდებებს საპასუხო განცხადებები მოჰყვა თავად ვანო ზარდიაშვილის და უმრავლესობის მხრიდან.