თბილისში ღვინისა და ალკოჰოლური სასმელების მე-10 საერთაშორისო გამოფენა – "ვაინ-ექსპო ჯორჯია" გაიხსნება. გამოფენაზე ღვინის ინდუსტრიის სრული სპექტრი იქნება წარმოდგენილი და 97 კომპანია მიიღებს მონაწილეობას.

საქართველოსთან ერთად გამოფენაში სომხეთის, ავსტრიის, ბელგიის იტალიის, უნგრეთის, უკრაინის და სხვა ქვეყნების ნაწარმი იქნება წარმოდგენილი.

გამოფენის პარალელურად, ბიზნესფორუმი და ღვინის მე-9 საერთაშორისო კონკურსი გაიმართება. კონკურსში გამარჯვებულს ოქროს, ვერცხლისა და ბრინჯაოს მედლები გადაეცემათ. დამატებით, სხვადასხვა კატეგორიის საუკეთესო ღვინო უმაღლესი ჯილდოთი დაჯილდოვდება.