ტელეკომპანია ,„რუსთავი 2-ის“ გენერალური დირექტორის მოადგილე ზაალ უდუმაშვილი ადასტურებს, რომ „ნაციონალური მოძრაობისგან“ მიიღო შეთავაზება, თბილისის მერის თანამდებობაზე კენჭი იყაროს.

ამის შესახებ ჟურნალისტებს ზაალ უდუმაშვილმა კიევიდან დაბრუნების შემდეგ, თბილსის საერთაშორისო აეროპორტში განუცხადა.

ზაალ უდუმაშვილი ამბობს, რომ გადაწყვეტილება ჯერ არ მიუღია და მისი პოზიცია ოფიციალურად უახლოეს დღეებში გახდება ცნობილი.

„კურიერის“ წამყვანი უკრაინაში ვიზიტისას საქართველოს ყოფილ პრეზიდენტ მიხეილ სააკაშვილს და „ნაციონალური მოძრაობის“ სხვა ლიდერებს შეხვდა.

რაც შეეხება ტელეკომპანიაში არსებულ ვითარებასთან დაკავშირებით დასმულ კითხვებს, ზაალ უდუმაშვილი პასუხობს, რომ „რუსთავი 2-ში“ რეორგანიზაცია დაწყებულია.