ფოტოგრაფების საქმის ახალი გარემოებები: გლდანის ციხის რეჟიმის ყოფილმა უფროსმა საქმეში ბრალდებული ექსმაღალჩინოსნის საწინააღმდეგო ჩვენება მისცა.

ვიქტორ ყაჭეიშვილის განცხადებებს დავით დევნოზაშვილის გაღიზიანება მოჰყვა. სასამართლოზე შინაგან საქმეთა სამინისტროს პრესსამსახურის იმ ოპერატორსაც მოუსმინეს, რომელმაც 6 წლის წინ ფოტორეპორტიორების იძულებით მიცემული აღიარებითი ჩვენებები ჩაწერა.

დღეს დაკითხულმა მოწმეებმა კიდევ ერთხელ გაამყარეს ბრალდებულთა ვერსია, რომლის მიხედვით, ფოტოგრაფები 2011 წლის 26 მაისის აქციის დარბევის დროს გადაღებული ფოტოების გამო დააკავეს.