მესტიაში ორი ჰესის მშენებლობა დაიწყო. „მესტიაჭალა1“ და „მესტიაჭალა2“ ჰიდროელექტრო-სადგურების მშენებლობის პროექტს „საქართველოს განახლებადი ენერგიის კომპანია” ახორციელებს.

მშენებლობის დაწყების ოფიციალურ ცერემონიას, ენერგეტიკის მინისტრი, კომპანიის წარმომადგენლები და მხარის გუბერნატორი დაესწრნენ.

ჰიდროელექტრო-სადგურების მშენებლობის დასრულება და ექსპლუატაციაში შესვლა, 2018 წლის დეკემბერშია დაგეგმილი.

შედეგად ენერგოსისტემას 175 მლნ. კვტ/სთ შეემატება.

პროექტის განხორციელების შედეგად, მესტიის მუნიციპალიტეტის საბიუჯეტო შემოსავლები, წინასწარი გათვლებით, წელიწადში მილიონ-ნახევარი ლარით უნდა გაიზარდოს.