ლიტვამ რუსეთის საზღვართან დამცავი კედლის მშენებლობა დაიწყო. ინფორმაციას ქვეყნის სახელმწიფო საზღვრის დაცვის სამსახური ავრცელებს. უწყების ინფორმაციით, კედელი 44,6 კილომეტრის სიგრძეზე, სასაზღვრო სოფლებსა და კალინინგრადს შორის აიგება და ის თანამედროვე სათვალთვალო ტექნიკით აღიჭურვება.

მშენებლობა ქვეყანას 1, 335 მილიონი ევრო დაუჯდება. ქვეყნის შინაგან საქმეთა მინისტრმა განაცხადა, რომ კედელი ტანკებსა და სხვა მძიმე ტექნიკას ვერ შეაჩერებს, თუმცა ვილნიუსში მიაჩნიათ, რომ ქვეყანას, რომელიც ლიტვისთვის გეოპოლიტიკურ საფრთხეს წარმოადგენს, ფიზიკური ბარიერით უნდა გამოეყონ.