ლონდონში მომხდარი ტერაქტის შედეგად დაღუპულთა რიცხვი 7-მდე გაიზარდა. დაშავებულები კი ქალაქის სხვადასხვა კლინიკაში რჩებიან.
21 მათგანის მდგომარეობა კრიტიკულად მძიმეა. საქართველოს საგარეო საქმეთა სამინისტროს ცნობით, მომხდარის შედეგად საქართველოს მოქალაქეები არ დაშავებულან.
ტერორისტული თავდასხმა გუშინ, ადგილობრივი დროით 22 საათზე მოხდა. ლონდონ ბრიჯზე ავტომობილი ჯერ ფეხით მოსიარულეებს დაეჯახა, შემდეგ კი მოქალაქეებს დანით დაესხნენ თავს.
დიდ ბრიტანეთში გამკაცრებულია უსაფრთხოების ზომები. გრძელდება საგამოძიებო მოქმედებები.
დიდ ბრიტანეთში განხორციელებულ თავდასხმას მსოფლიო ლიდერები ეხმაურებიან. შესაბამისი განცხადებები საქართველოს პრემიერმა და პრეზიდენტმაც გაავრცელეს და მომხდარის გამო მწუხარება გამოთქვეს.