დაზოგე წყალი– ჯორჯიან ვოთარ ენდ ფაუერის კამპანია თბილისის ზღვაზე დღეს საზეიმოდ დასრულდა.
პროექტის მიზანია, საზოგადოების ცნობიერების ამაღლება, - გაუფრთხილდნენ წყლის რესურსს.
კამპანიის მხარდასაჭერად პროფესიონალური ველოშეჯიბრი გაიმართა, სადაც მონაწილეობა 30-მდე სპორტსმენმა მიიღო და თბილისის ზღვის მიმდებარე ტერიტორიაზე 24 კილომეტრიანი დისტანცია დაფარა.
პროექტი 22 მარტს, წყლის დაზოგვის საერთაშორისო დღეს დაიწყო. თარიღი მსოფლიოს არაერთ ქვეყანაში აღინიშნება, კამპანიაში საქართველოც ჩაერთო.
პირველი ეტაპი ვარკეთილის რაიონის საჯარო სკოლებში შექმნილ გუნდებს შორის, სხვადასხვა შემეცნებით და სახალისო შეჯიბრს ითვალისწინებდა. ჯორჯიან ვოთარ ენდ ფაუერის მიერ ორგანიზებული ეროვნული კამპანია დაზოგე წყალი სექტემბერში გაგრძელდება და მასში თბილისის სხვადასხვა სკოლის მოსწავლეები ჩაერთვებიან.