დღეს, საქართველოს 20 წლამდელ მორაგბეთა ნაკრები მსოფლიოს ჩემპიონატის ჯგუფურ ეტაპზე მეორე შეხვედრას გამართავს.

ჩვენი მეტოქე სამხრეთ აფრიკა იქნება. უმცროსმა ბორჯღალოსნებმა პირველ ტურში არგენტინასთან ბოლომდე იბრძოლეს, მაგრამ დამარცხდნენ - 26:37. აფრიკელებმა კი საფრანგეთთან მატჩი ფრედ, 23:23 დაასრულეს.

დღევანდელ შეხვედრას ჩვენი ნაკრებისთვის გადამწყვეტი მნიშვნელობა აქვს. მოგების შემთხვევაში, საქართველოს ჯგუფიდან გასვლის შანსი ექნება.

საზოგადოებრივი მაუწყებლის 1 არხი მატჩის პირდაპირ ტელეტრანსლაციას 17:50 საათიდან გეგმავს.