სახელმწიფო უნივერსიტეტის ხელმძღვანელობა უნივერსიტეტში გამართულ კონფერენციასთან დაკავშირებით განმარტებებს აკეთებს. საქმე ეხება 30 მაისს ჩატარებულ შეხვედრას და ანტიდასავლურ განცხადებებს.
საინფორმაციო სააგენტოებში გავრცელებულ ვიდეოჩანაწერში თავდაცვის სამინისტროს ყოფილი თანამშრომელი,ტრისტან წითელაშვილი შეერთებული შტატების ელჩს საქართველოს შიდა საქმეებში ჩარევაში ადანაშაულებს და ასევე აცხადებს, რომ იან კელი პანკისის ხეობაში ე.წ. ისლამური სახელმწიფოს მებრძოლებს შეხვდა.
უნივერსიტეტში აცხადებენ, რომ შეხვედრის თემატიკასთან დაკავშირებით, შეცდომაში შეიყვანეს და მათ სივრცე, ყოფილი თანამშრომლის თხოვნით, სამეცნიერო კონფერენციას დაუთმეს.
ბრალდებებს იან კელიც გამოეხმაურა, მისი თქმით, პანკისის ხეობაში მხოლოდ ერთხელ, საქართველოს პრეზიდენტთან ერთად იმყოფებოდა.