ვენესუელის გაერთიანებული ოპოზიცია, 10 ათასობით აქტივისტთან ერთად, ქვეყნის სახელმწიფო სამაუწყებლო კომპანიას ფაქტების გაყალბებასა და მოსახლეობის არასწორად ინფორმირებაში ადანაშაულებს.

დემონსტრანტებმა ტელევიზიის გარშემო მოიყარეს თავი, სადაც პოლიციასა და აქტივისტებს შორის ფიზიკურ დაპირისპირებას ჰქონდა ადგილი.

ოპოზიციის მოთხოვნაა, სახელმწიფო სამაუწყებლო კომპანიამ ბოლო დროს ქვეყანაში განვითარებული პროცესები გააშუქოს და მოსახლეობას ობიექტური ინფორმაცია მიაწოდოს.

კარაკასსა და სხვა ქალაქებში საპროტესტო აქციები თითქმის ორი თვეა მიმდინარეობს. აქციებს 60-ზე მეტი ადამიანის სიცოცხლე ემსხვერპლა. ოპოზიცია პრეზიდენტის გადადგომას და ვადამდელი საპრეზიდენტო არჩევნების დანიშვნას ითხოვს.