აზერბაიჯანელი ჟურნალისტის, აფგან მუხთარლის მხადამჭერი აქციები გაიმართა დღეს თბილისსა და ქუთაისში, პარლამენტის შენობების წინ.
თბილისში შეკრებილებმა აზერბაიჯანელი ჟურნალისტის დაკავება გააპროტესტეს და საქმეზე საპარლამენტო კონტროლის განხორციელება მოითხოვეს.
ასევე, მათი მოთხოვნა იყო პარლამენტის თავმჯდომარესთან და ადამიანის უფლებათა დაცვის კომიტეტის თავმჯდომარესთან შეხვედრა. აღნიშნული მოთხოვნით აქციის მონაწილეებმა პარლამენტის მისაღებშიც გადაინაცვლეს, თუმცა უშედეგოდ.
პარალელურად აზერბაიჯანელი ჟურნალისტის მხარდამჭერი აქცია გაიმართა ქუთაისშიც პარლამენტთან.
სხვადასხვა მედიასაშუალებაში დასაქმებულმა ჟურნალისტებმა აზერბაიჯანელ კოლეგას მხარდაჭერა და სოლიდარობა გამოუცხადეს და შესაბამის უწყებებს მოუწოდეს გასაჯაროვდეს კოლეგის გაუჩინარების რეალური ისტორია.