თავდაცვისა და უსაფრთხოების კუთხით კონსტიტუციაში შესატან ცვლილებებზე იმსჯლეს დღეს პრეზიდენტის ადმინისტრაციაში.
უშიშროების საბჭოს მოწვევით გამართულ დისკუსიაზე აღინიშნა, რომ საგანგაშოა კონსტიტუციის პროექტში გამოჩენილი ახალი ტერმინი - „სხვა შეიარაღებული ძალები“. რას გულისხმობს ეს ჩანაწერი - ექსპერტების ნაწილი შიშობს, რომ ცვლილების მიღების შემთხვევაში, ქვეყანაში მხედრიონი და შინაგანი ჯარი დაბრუნდება, თუმცა პრეტენზიები მიუღებელია თავდაცვის მინისტრის მოადგილისთვის, რომელიც დღევანდელ მრგვალ მაგიდას ასევე ესწრებოდა.
შეხვედრის მონაწილეებს პრეზიდენტმაც მიმართა. დისკუსიის ბოლოს შემუშავდა ერთობლივი დოკუმენტიც, რომელიც ხვალ გამოქვეყნდება და სადაც კონკრეტული რეკომენდაციები გაიწერა.
კომუნიკე ხელისუფლების წარმომადგენლებს, ვენეციის კომისიას, ნატოს, ევროკავშირს და სხვა სტრატეგიულ პარტნიორებს გადაეგზავნებათ,.