აზერბაიჯანელი ჟურნალისტის საქმის გამო საპროტესტო გამოსვლები არ წყდება. არასამთავრობო სექტორის და მედიის წარმომადგენლები დაგროვილ კითხვებზე პასუხებს სამართალდამცავი უწყებებისგან ელოდებიან.
მიმართვის ადრესატია პარლამენტიც, რომელსაც უფლებადამცველები გახმაურებული საქმით დაინტერესებისკენ მოუწოდებენ.
მწვავეა პრეზიდენტის რეაქციაც. თბილისიდან 29 მაისს გაუჩინარებული და ბაქოში დაკავებული ჟურნალისტის ოჯახი დარწმუნებულია, რომ ალიევის ხელისუფლების მიმართ ოპოზიციურად განწყობილი მუხთარლი აზერბაიჯანულ მხარეს ქართველმა სამართალდამცავებმა გადასცეს.
ბრალდებას კატეგორიულად გამორიცხავს ოფიციალური თბილისი, რომელიც დღემდე მხოლოდ აზერბაიჯანული მხარის ოფიციალურ ინფორმაციას-ანუ საზღვრის უკანონოდ კვეთის ვერსიას ეყრდნობა.