ბავშვთა საერთაშორისო დღესთან დაკავშირებით, საქართველოს მასშტაბით სხვადასხვა ღონისძიება გაიმართა.

პარლამენტში მოეწყო გამოფენა, სადაც წარმოდგენილი იყო ბავშვთა ნამუშევრები.

დღევანდელი დღე მიულოცა პატარებს პირველმა ლედიმ მაკა ჩიჩუამაც. იგი მზიურის შემდეგ ბავშვთა ჰოსპისს ეწვია და ცენტრს საჩუქრად სოლიდარობის ფონდში შეძენილი ნახატი გადასცა.

დღევანდელი დღის აღნიშვნა გაგრძელდა ვაკის პარკში. სხვადასხვა გასართობ ღონისძიებასა და კონცერტში 700-800 ბავშვი მონაწილეობდა.

ბავშვთა საერთაშორისო დღე მიულოცა ჯანდაცვის მინისტრის მოადგილემ დამწვრობის ცენტრში მყოფ ბავშვებს და დღევანდელი დღის აღსანიშნავად საჩუქრები გადასცა.

ტრადიცია 112–ს წელსაც არ დაურღვევია და 1 ივნისს დეპარტამენტში პროექტის 112-ის გმირი დაჯილდოების ცერემონია გაიმართა.

ბავშვთა საერთაშორისო დღე გრანდიოზულად აღინიშნა რეგიონებშიც. ბავშვთა გამოფენები მოეწყო თელავში, გორში, რუსთავში. ასევე სხვადასხვა სახის ღონისძიებები გაიმართა ქუთაისში, ფოთსა და ზუგდიდში.