ატვირთვა
ავტორიზაცია რეგისტრაცია

ნიკოლოზ ბასილაშვილის წარმატება საფრანგეთის ღია პირველობაზე

გაზიარება შექმენი ლუპი
ივნისი 1, 2017
110
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ჩოგბურთელი ნიკოლოზ ბასილაშვილი საფრანგეთის ღია პირველობის მესამე წრეში, სავარაუდოდ, ესპანელ რაფაელ ნადალს შეხვდება. ქართველმა ჩოგბურთელმა მეორე წრეში სერბი ვიქტორ ტროიცკი დაამარცხა 7-6;7-6; 7-6. ნადალი კი, მეორე წრის შეხვედრას ამ წუთებში მართავს და ჰოლანდიელ რობინ ჰაასეს 6-1 უგებს.

ბასილაშვილს გაცილებით იოლად შეეძლო ამ მატჩის მოგება, მაგრამ სამივე პარტიაში ვერ შეძლო მოპოვებული უპირატესობის შენარჩუნება. პირველ სეტში ის ორჯერ იგებდა ბრეიკით და ტროიცკიმ ორივეჯერ გაათანაბრა ანგარიში. მეორე და მესამე სეტებშიც ქართველი თითო ბრეიკით იყო წინ გასული და სერბმა კიდევ ორჯერ მოახერხა ტაი-ბრეიკამდე მისვლა. თუმცა, სამივე ტაი-ბრეიკზე ნიკა ძალიან დამაჯერებელი იყო. ჯამში მხოლოდ სამი ქულა დათმო საკუთარ მოწოდებაზე და გაამართლა ფავორიტის სტატუსი, რომელიც მატჩის წინ ბუკმეიკერებმა მისცეს.

ქართველის უპირატესობა სტატისტიკითაც აშკარა იყო - ბასილაშვილმა 15 ბრეიკ-პოინტი გამოიმუშავა. ტროიცკიმ კი, მხოლოდ შვიდი, მაგრამ ბრეიკების რაოდენობა ორივეს ერთნაირი ჰქონდათ - ოთხ-ოთხი.

ნადალი მსოფლიო რეიტინგში მეოთხე პოზიციაზეა, ბასილაშვილი კი - 63-ზე.

მაჩვენე მეტი