მაისი 31, 2017
832
სირიის ქალაქ პალმირას მახლობლად “ისლამური სახელმწიფოს” პოზიციებზე რუსეთმა საკრუიზო რაკეტებით მიიტანა იერიში. რუსეთის თავდაცვის სამინისტროს ინფორმაციით, სარაკეტო დარტყმები ფრეგატ “ადმირალ ესენ”-იდან და წყალქვეშა ნავ “კრასნოდარ”-იდან განხორციელდა.
რადიკალი ისლამისტების სამხედრო ტექნიკისა და ცოცხალი ძალის გასანადგურებლად, რუსეთის სამხედრო-საზღვაო ძალებმა ოთხი რაკეტა გაუშვეს. პალმირას აღმოსავლეთით ჯიჰადისტები მობილიზებას ქალაქ რაქადან გადასროლილი შეიარაღებით ახდენდნენ.
სირიაში რუსეთის სამხედრო ოპერაცია 2015 წლის სექტემბერში დაიწყო. დასავლეთში ფიქრობენ, რომ ისლამისტებთან ბრძოლის საბაბით, რუსეთი რეალურად სირიის პრეზიდენტ, ბაშარ ასადს ეხმარება.
მაჩვენე მეტი