ევროპის საბჭომ საპარლამენტო ასამბლეის რამდენიმე წევრის მიერ, აზერბაიჯანის ხელისუფლებისგან ქრთამის შესაძლო აღების საკითხზე გამოძიება დაიწყო.

გავრცელებული ინფორმაციით, არსებობს ეჭვი, რომ აზერბაიჯანმა პასეს 2013 წლის გადაწყვეტილებაზე გავლენა იქონია, როდესაც ადამიანის უფლებათა დარღვევებისა და პოლიტიკური პატიმრების შესახებ, გერმანელი პარლამენტარის მიერ შედგენილი ანგარიში არ მიიღო.

ამ ეჭვის თანახმად, იმისათვის, რომ ანგარიში ასამბლეაზე ვერ გასულიყო, ერთ-ერთ წევრს 2,5 მილიონი დოლარის ოდენობით ქრთამი გადაუხადეს.

გამოძიების ფარგლებში იგეგმება პასეს არსებული ქცევის კოდექსის გადახედვაც. აღსანიშნავია, რომ აზერბაიჯანული მხარე ბრალდებებს უარყოფს.