ატვირთვა
ავტორიზაცია რეგისტრაცია
5 847 636
ნახვა
319
ხელმომწერი
27 783
ვიდეო

საკაბელო ოპერატორებმა შესაძლოა, ექვსი არხი გათიშონ

გაზიარება შექმენი ლუპი
მაისი 30, 2017
333
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

საკაბელო ოპერატორებმა შესაძლოა, ექვსი არხის გათიშვის გადაწყვეტილება მიიღონ.

ამის შესახებ საკაბელო ოპერატორების დღევანდელ შეხვედრაზე, ერთ-ერთი კომპანიის KTV1-ის წარმომადგენელმა მირიან კიკნაძემ განაცხადა.

ეს ექვსი არხია: „რუსთავი 2“, „იმედი“, GDS, „მარაო“, „კომედი არხი“, „მაესტრო“.

„ეს ტელევიზიები ძირითადი მოთამაშეები არიან სარეკლამო ბაზარზე. მათი რეიტინგი ჩვენი მეშვეობით იქმნება. სწორედ ჩვენი დახმარებით იქმნება მათი შემოსავალი. მათი მოთხოვნა არაკანონიერია. მსგავსი წინადადება „რუსთავი 2“-ს რამდენიმე წლის წინ ჰქონდა. საკაბელო ოპერატორთა ნაწილმა მისი ტრანსლირება შეწყვიტა, სავარაუდოდ, ასე მოხდება ახლაც, თუკი მათი მოთხოვნა ძალაში დარჩება“, - განაცხადა მირიან კიკნაძემ.

საკაბელო ოპერატორებმა სამუშაო შეხვედრა გამართეს, სადაც სამომავლო გეგმებზე ისაუბრეს და მემორანდუმი გააფორმეს.

30-მდე კომპანიის წარმომადგენელი კვლავ ეწინააღმდეგება შპს „მედია რაითს ჯორჯიას“ მოთხოვნას, რის საფუძველზეც საკაბელო ოპერატორებს 6 არხის ტრანსლირებისთვის თანხის გადახდა მოუწევთ.

საქართველოს საკაბელო ტელევიზიების კავშირის თავმჯდომარის თეონა ბერუაშვილის თქმით, „მედია რაითს ჯორჯიას“ ბოლო წერილში ირკვევა, რომ იგი ითხოვს საფასურს მაუწყებლობის ტრანზიტისთვის და არა გადახვევა-დაპაუზების ფუნქციისთვის, როგორც ამას საწყის ეტაპზე ამბობდნენ.

„ისინი მოითხოვენ, რომ კომპანიებმა ერთ მოწყობილობისთვის 4 ლარი გადაიხადონ დღგ-ს გარეშე. აუცილებლად უნდა გადაისინჯოს ტრანზიტის პირობები. ვაპირებთ, მივმართოთ პარლამენტს, რათა შეიქმნას სათანადო საკანონმდებლო ბაზა. ასევე, უნდა შეიცვალოს ე.წ. მასთ ქერის პრინციპი, რადგან არსებული ფორმით ის კაბალურ პირობებში აყენებს მაუწყებლობის ტრანზიტზე ავტორიზებულ პირებს. იგი მორგებულია მხოლოდ მაუწყებლებზე და მათ ინტერესებზე“ - განაცხადა თეონა ბერუაშვილმა.

საკაბელო ოპერატორები უახლოეს დღეებში კონკურენციის სააგენტოს, ბიზნესომბუდსმენს და კომუნიკაციის ეროვნულ კომისიას მიმართავენ.

მაჩვენე მეტი