„ევროპული საქართველოს“ წარმომადგენლის სერგო რატიანის გამოსვლას ახმეტელის თეატრში, სადაც კონსტიტუციაში შესატან ცვლილებებს განიხილავენ, ხმაური მოყვა. დამსწრე საზოგადოებამ პარტიას წინა ხელისუფლების 9 წლიანი მმართველობა შეახსენა.
შეხვედრის რამდენიმე მონაწილემ კი, პროტესტის ნიშნად დარბაზი დატოვა.
სანდრო ახმეტელის სახელობის სახელმწიფო თეატრში საკონსტიტუციო ცვლილებების პროექტის საყოველთაო განხილვა რამდენიმე საათია, მიმდინარეობს. განხილვას საპარლამენტო უმრავლესობის წევრი ლევან კობერიძე, „ევროპული საქართველოს“ წარმომადგენელი სერგო რატიანი, „ქართული ოცნების“ დეპუტატი დავით მათიკაშვილი და „პატრიოტთა ალიანსის“ ერ5თ-ერთი ლიდერი ირმა ინაშვილი ესწრებიან.
განხილვაზე მთავარი განსახილველი საკითხები პრეზიდენტის არჩევის წესი, ბონუს სისტემა და მიწების გასხვისების საკითხია.