ევროკავშირმა სირიის ხელისუფლების წინააღდეგ დაწესებული სანქციები ერთი წლით გაახანგრძლივა,- აღნიშნულის შესახებ ევროკავშირის საბჭოს განცხადებაშია ნათქვამი. გარდა ამისა, ევროკავშირის საბჭომ სასანქციო სიაში სირიის მთავრობის სამი მინისტრი დაამატა.

ევროკავშირი შეინარჩუნებს სირიის რეჟიმისა და მისი მხარდამჭერების წინააღმდეგ დაწესებულ შემზღუდველ ზომებს მანამ, ვიდრე არ შეწყდება სამოქალაქო მოსახლეობის წინააღმდეგ რეპრესიული ზომების გატარება, - აღნიშნეს ევროკავშირში.

ევროკავშირმა სირიის წინააღმდეგ სანქციების შემოღება ეტაპობრივად, 2012 წლიდან დაიწყო.

ევროკავშირის სასანქციო სიაში 239 ფიზიკური და 67 იურიდიული პირია შეყვანილი.