პირველად ბოლო 28 წლის განმავლობაში, საერთაშორისო სარეიტინგო სააგენტო "მუდსმა", ჩინეთს გრძელვადიანი საკრედიტო რეიტინგი შეუმცირა. მიზეზად სააგენტო, ეკონომიკის ზრდის ტემპის შენელების ფონზე, ქვეყნის ფინანსური მდგომარეობის გაუარესებას და სახელმწიფო ვალის ზრდას ასახელებს.

მიუხედავად ჩინეთში მიმდინარე რეფორმებისა, სააგენტო ვარაუდობს, რომ ჩინეთის სახელმწიფო ვალი 2018 წლისთვის მთლიანი შიდა პროდუქტის 40 პროცენტს, 2020 წლისთვის კი 45 პროცენტს მიაღწევს. ამ ინფორმაციის გავრცელების შემდეგ ჩინეთის საფონდო ბირჟა ერთი პროცენტით დაეცა.