რელიგიის საკითხთა სახელმწიფო სააგენტომ საქართველოს რელიგიური რუკის პრეზენტაცია გამართა.

როგორც რელიგიის საკითხთა სახელმწიფო სააგენტოს ხელმძღვანელმა ზაზა ვაშაყმაძემ აღნიშნა, საქართველოს რელიგიური რუკა მოსახლეობის საყოველთაო აღწერის შედეგებს ეყრდნობა.

"რუკაზე სხვადასხვა რელიგიის მიმდევართა რაოდენობა რეგიონების მიხედვითაც არის წარმოდგენილი. ასევე შეიქმნა საკულტო ნაგებობების ელექტრონული რუკა", - განაცხადა ვაშაყმაძემ.

მონაცემების მიხედვით, საქართველოში 3 097 573 მართლმადიდებელი, 398 677 მუსლიმი, 109 041 სომეხთა სამოციქულო ეკლესიის წარმომადგენელი, 19 195 კათოლიკე, 12 395 იეჰოვას მოწმე, 8 591 იეზიდური, 1 417 იუდეური თემის წარმომადგენელია.