საქართველოს ოკუპირებული რეგიონების გამო მოსკოვი კიდევ ერთ მწვავე გზავნილს იღებს ბრიუსელიდან.
,,მოამბესთან” ექსკლუზიურ ინტერვიუში ნატო-ს გენერალური მდივნის მოადგილე ამბობს, რომ ალიანსი ყოველთვის ხმამაღლა აფიქსირებდა და მომავალშიც დააფიქსირებს პოზიციას, როდესაც საქმე ჩვენი ქვეყნის ტერიტორიული მთლიანობის შელახვას ეხება.
ამ გზავნილს როუზ გოტემოლერი თბილისშიც გაიმეორებს - სტოლტენბერგის მოადგილე ორ დღეში საქართველოში ნატო-ს საპარლამენტო ასამბლეის სესიაზე დასასწრებად პირველად ჩამოდის.
მანამდე კი გოტემოლერი ,,მოამბესთან” ადასტურებს, რომ ბრიუსელში ხვალ დაგეგმილ საგანგებო შეხვედრაზე საქართველოს, როგორც ასპირანტი ქვეყნის შესახებ ისაუბრებენ და ლიდერების მთავარი გზავნილი ღია კარის პოლიტიკა იქნება.
ინტერვიუ ქეთევან ქარდავამ ჩაწერა.