ახალგაზრდა იურისტთა ასოციაცია ზვიად ნაზღაიძისთვის ქონების გადაცემის და 13 ივნისის სტიქიით დაზარალების მიზეზით მიღებულ კომპენსაციასთან დაკავშირებით გამოძიების დაწყებას ითხოვს.
შესაბამისი განცხადება მთავარ პროკურატურაში შევიდა. ორგანიზციის წარმომადგენლის განცხადებით, მათ ხელთ არსებული ინფორმაციით, სტიქიის შედაგად დაზიანებული ქონების გამო, რისთვისაც ზვიად ნაზღაიძემ მიიღო კომპენსაცია, ის იმ დროისთვის არ იყო მესაკუთრე. "ახალგაზრდა იურისტთა ასოციაცია" საქმეში სამოხელეო დანაშაულის ნიშნებზე საუბრობს.
ზვიად ნაზღაიძე "რუსთავი 2-ის" საქმის განმხილველი მოსამართლის ნატა ნაზღაიძის ძმაა. ოპოზიციას ამ საქმესთან დაკავშირებით შეკითხვები ჰქონდა. თუმცა, თავად ზვიად ნაზღაიძე აცხადებდა, რომ კომპენსაციის მოთხოვნისა და დაზარალებულად ცნობის პროცედურები მანამდე დაიწყო, სანამ მისი და "რუსთავი2-ის" საქმის მოსამართლე გახდებოდა.