ბრიტანულმა საკონსულტაციო კომპანიამ, ჩინელ მწარმოებელთან ერთად, მსოფლიოში ყველაზე იაფი მზის სანათი გამოუშვა, რომელიც მხოლოდ 5 დოლარი ღირს და ძირითადად გათვლილია აფრიკის ღარიბი მოსახლეობისთვის.

ერთ დამუხტვაზე სანათი რვა საათს მუშაობს. იგი მცირე ზომისაა და შესაძლებელია მისი თავზე ან ველოსიპედზე დამაგრებაც.

სანათმა უკვე გაიარა საცდელი რეჟიმი და ამჟამად უკვე გაყიდვაშია.

როგორც ცნობილია, აფრიკის ქვეყნებში, დაახლოებით 600 მილიონი ადამიანი ელექტრონერგიის გარეშე ცხოვრობს და მათთვის ერთადერთი სანათი საშუალება ნავთის ლამფაა, რომელიც საკმაოდ ძვირია და თან ხანძარსაშიშიც.