ჩრდილო კორეამ მორიგი რაკეტა გამოსცადა.

სამხრეთ კორეის საინფორმაციო სააგენტოების ცნობით, ჩრდილო კორეას საკონტინენტთაშორისო რაკეტა არ გაუშვია, თუმცა რაკეტამ იაპონიის ზღვის მიმართულებით დაახლოებით 500 კილომეტრი იფრინა და იაპონიის ექსკლუზიურ ეკონომიკურ ზონამდე არ მიუღწევია.

ჩრდილო კორეიდან მომდინარე საფრთხის გამო, იაპონიის პრემიერ-მინისტრის კანცელარიასთან კრიზისების მართვის ცენტრია გახსნილი, სადაც შესული ინფორმაციის ანალიზი ხდება.

ფხენიანმა რაკეტის ბოლო გამოცდა 14 მაისს განახორციელა. გავრცელებული ინფორმაციით, რაკეტამ 30 წუთის მანძილზე 800 კილომეტრი დაფარა. ჩრდილო კორეის სარაკეტო ცდის შემდეგ, აშშ-მა კორეის ნახევარკუნძულთან კიდევ ერთი ავიამზიდი “რონალდ რეიგანი” გაუშვა, რომელიც წვრთნებში მიიღებს მონაწილეობას.



წყარო: Yonhap