მაისი 21, 2017
111
სტუდენტური ფოტოკონკურსის გამარჯვებულები გამოავლინეს თბილისის სახელმწიფო უნივერსიტეტში.
პროექტის „უნი - კადრი 2017“ ფარგლებში, ჟიურიმ სამი საუკეთესო ფოტოს ავტორები შეარჩია. მთავარი პრიზი პლანშეტური კომპიუტერი ნუცა ნიკოლაიშვილს გადაეცა.
კონკურსის მეორე გამარჯვებული იურიდიული ფაკულტეტის სტუდენტი ირაკლი ბუთურიშვილი გახდა, რომელიც უნივერსიტეტის საზოგადოებასთან ურთიერთობის დეპარტამენტში ანაზღაურებად სტაჟირებას გაივლის.
საჩუქრები მიიღო მესამე ადგილზე გასულმა ლექსო მიქაძემაც. მონაწილეებმა უნივერსიტეტის გარეფასადის, შენობის, ინფრასტრუქტურისა და სასწავლო პროცესის ამსახველი კადრები გადაიღეს.
კონკურსზე შემოსული ფოტოებიდან ჟიურიმ საუკეთესო 17 შეარჩია, რომელიც უნივერსიტეტში გამოიფინა.
მაჩვენე მეტი