საქართველოს საგარეო საქმეთა მინისტრმა ევროპის საბჭოს მინისტერიალში მიიღო მონაწილეობა, რომელიც კვიპროსის დედაქალაქში გაიმართა.

საკუთარ გამოსვლაში მიხეილ ჯანელიძემ ყურადღება გამახვილა რუსეთ-საქართველოს კონფლიქტსა და ოკუპირებულ ტერიტორიებზე არსებულ ვითარებაზე. მან ასევე ისაუბრა ქვეყნის დემოკრატიულ განვითარებაზე და კიდევ ერთხელ დაადასტურა ევროპის საბჭოს ძირითადი პრინციპებისადმი საქართველოს ერთგულება.

მონაწილე ქვეყნებმა საქართველოს მხარდამჭერი განცხადებები გააკეთეს და დაადასტურეს საკუთარი მხარდაჭერა საქართველოს ტერიტორიული მთლიანობისა და სუვერენიტეტის მიმართ.